Vijon lirimi i hapësirave publike në qytetin e Korçës. Pas përfundimit të punës në disa prej lagjeve të qytetit siç janë lagjet 13, 14, 15 e 16, tashmë punonjësit e Ndërmarrjes së Shërbimeve Publike në Bashkinë e Korçës janë përqendruar në lagjen 6 në një pjesë të unazës së qytetit, aty ku po punohet për të larguar gardhet, muret e gjithçka tjetër që prej vitesh kishte zaptuar hapësirat publike.
Sipas përgjegjësit të gjelbërimit Berti Kita, ajo që është më e rëndësishme është kthimi në identitet i këtyre hapësirave pas ndërhyrjes për lirimin e tyre.
“Aktualisht jemi në lagjen 6 ku siç e shihet po vazhdojmë më lirimin e hapësirave te blerta. Kjo do të vazhdojë në përfundim të unazës, hapësirat që lirojmë i kthejmë në identitet dhe do të vazhdojmë për ti kthyer qytetarëve”, tha Kita.
Ndërhyrja do të vijojë edhe në lagjet e tjera të qytetit të Korçës në vazhdimësi duke liruar hapësirat publike e duke i kthyer ato në funksion të qytetarëve.
