Specialistë nga vendi fqinj do të ofrojnë ndihmë mjekësore falas për çiftet shqiptare që përballen me vështirësi riprodhuese.
Nisma mbështetet nga filantropë bullgare dhe synon të ndihmojë çiftet shqiptare që ëndërrojnë të bëhen prindër, duke ofruar shërbime profesionale në fushën e riprodhimit të asistuar.
“Në një vizitë në Shqipëri na u tha se ekzistonte problem për disa çifte qe nuk mund të lindin, dhe në Bullgari ekzistojnë grupet e mjekëve me të mirë në këtë fushë. Erdhëm me dëshirën e vetme për të qenë afër këtyre çifteve, të cilët nuk do të paguajnë asgjë ndërsa qëllimi jonë është të forcojmë bashkëpunimin shqiptarobullgar. Ne duam të jemi afër komunitet bullgar këtu por jo vetëm ndaj tyre, ndaj të gjithëve ”
Kryetar i bashkisë Korçë shprehet se:
” projekt I cili po lancohet synon të ndihmojë çiftet e reja që kanë probleme të riprodhimit është projekt I rëndësishëm, të gjithë e dinë sa e rëndësishme është për një çift të ri të ketë fëmijë dhe çfarë stresi shkakton mungesa e fëmijëve për arsye të ndryshme mjekësore. Shpresoj të jetë projekt të ecë me sukses jo vetëm në fazën e parë por edhe ndjekjen e mëtejshme. Me vjen mire qe dëgjova kur ka dy raste që ka shkuar deri në finalizim deri në zgjidhjen përfundimtare ”
Në krye të ekipit mjekësor që vjen nga Bullgaria është Dr. Georgi Nikolov një nga emrat më të njohur në këtë fushë në vendin e tij, me përvojë të gjerë në trajtimin e problemeve të fertilitetit dhe shëndetit të gruas.
Nisma “Bullgaria dhe Shqipëria – së bashku për edhe një fëmijë të lindur!” synon të kthehet në një traditë të përvitshme, si një urë bashkëpunimi mes dy vendeve dhe një shpresë e re për shumë familje shqiptare.
