Në qytetin e Korçës u zhvillua sot takimi përmbyllës i Komitetit Pilotues për rihapjen e Liceut Francez, një institucion me traditë të vyer arsimore që rikthehet pas shumë vitesh.
Gjatë takimit, ekspertët francezë, përfaqësues të institucioneve vendore dhe qëndrore finalizuan të gjitha çështjet teknike për çeljen e këtij institucioni arsimor, i cili pritet të ofrojë standarde të larta mësimore dhe mundësi të reja për nxënësit e qytetit dhe rajonit.
Në këtë ngjarje morën pjesë Ambasadorja e Francës në Tiranë, znj. Catherine Suard, si dhe Ministrja e Arsimit, znj. Mirela Kumbaro, të cilat theksuan rëndësinë e këtij bashkëpunimi në forcimin e marrëdhënieve mes Shqipërisë dhe Francës, si dhe në promovimin e arsimit cilësor.
Rihapja e Liceut Francez në Korçë vlerësohet si një gur themeli për përparimin arsimor dhe kulturor të qytetit, duke sjellë frymën e inovacionit, shkencës dhe standardeve europiane në sistemin arsimor shqiptar. 🤝
