Skënderbeu do të rikthehet në fushën e lojës nesër, pikërisht në ditën kur do të luajë dhe Kombëtarja shqiptare. Ekipi korçar ka programuar një miqësore me ekipin e kampionatit maqedonas.
Bëhet fjalë për Strugën, e cila do të udhëtojë drejt Korçës për t’u përballur me bardhekuqtë. Sfida miqësore është programuar të zhvillohet në orën 14:00 të mesditës në stadiumin “Skënderbeu”.
Një takim ky që do të kthejë pas në kohë Bledi Shkëmbin, i cili fitoi gjithçka në Shqipëri me “Ujqërit e Dëborës”. Aktualisht, ish-futbollisti i Skënderbeut drejton Strugën në kampionatin maqedonas.
NJOFTIMI I KF SKËNDERBEUT:
Miqësore
Skënderbeu – Struga
E Shtunë, 11 Tetor | Ora 14:00
Stadiumi “Skënderbeu”
Nesër të gjitha rrugët na çojnë në “Strofull”. Të gjithë së bashku për fitoren e radhës!
