Pogradec – Një masiv shkëmbor ka rrëshqitur sot, si pasojë e reshjeve të shiut, në aksin e ri kombëtar Qukës–Qafë Plloçë. Në segmentin që kalon mbi Gështenjas.
Nga rrëshqitja është bllokuar njëra prej tre korsive të këtij segmenti rrugor. Burime zyrtare bëjnë me dije se procesi i rrëshqitjes vijon ende, për shkak të motit të keq që ka përfshirë juglindjen e vendit.
Ekipet e mirëmbajtjes së rrugëve ndodhen në terren dhe po punojnë për pastrimin e plotë të qarkullimit. Aktualisht, rruga nuk është e bllokuar, por u rekomandohet drejtuesve të automjeteve të tregojnë kujdes të shtuar gjatë kalimit në këtë zonë.
Kujtojmë se rruga Qukës–Qafë Plloçë u inaugurua vetëm disa javë më parë.
