Konfirmohet vatra e parë e murtajës në qarkun Korçës konkretisht në fshatin Shuec të Devollit. Murtaja e Ruminantëve të Vegjël (PPR), e njohur edhe si Peste des Petits Ruminants, është një sëmundje virale shumë ngjitëse që prek kafshët e imta, kryesisht delet dhe dhitë.
Është konfirmuar vatra e parë e murtajës së e ruminantëve të vegjël në qarkun e Korçës.
Burime për Bufiurtë.al konformojnë se rasti është identifikuar në fshatin Shuec të Devollit.
Në fermë rastet ndodhen përfaqësues të shërbimit veterinar për të kryer të gjitha procedurat. Nga 160 krerë raportohen se kanë ngordhur 15 prej tyre.
Kujtojmë se rasti i parë i murtajës u shënua më 3 qershor në fshatin Domen, njësia administrative Postribë, Shkodër. Ndërkohë pas saj u konfirmuan edhe dy vatra të tjera konkretisht në njësinë administrative Kastriot, Dibër dhe në Martanesh, bashkia Bulqizë.
Shërbimi Veterinar u ka bërë thirrje të gjithë fermerëve të kufizojnë lëvizjen e deleve dhe dhive, të zbatojnë masat e higjienës dhe të informojnë menjëherë për çdo shenjë klinike të sëmundjes.
Çfarë është Murtaja e Ruminantëve të Vegjël?
Murtaja e Ruminantëve të Vegjël (PPR), e njohur edhe si Peste des Petits Ruminants, është një sëmundje virale shumë ngjitëse që prek kafshët e imta, kryesisht delet dhe dhitë.
Përhapet përmes kontaktit të drejtpërdrejtë mes kafshëve, nëpërmjet: sekrecioneve nga hunda dhe sytë, jashtëqitjes, ajrit të kontaminuar në ambiente të mbyllura.
Simptomat tek kafshët e prekura përfshinë temperaturë e lartë, rrjedhje nga hundët dhe sytë, inflamacion në gojëm vështirësi në frymëmarrje, diarre e fortë, dobësi, mungesë oreksi.
Lajm në përditësim…
