Rrodokali i Poshtëm, një fshat i vogël në Mokër të Pogradeci është prej fshatrave që ruan ende frymën e vjetër të jetës rurale. Këtu, njerëzit jetojnë me bujqësi e blegtori, në një përditshmëri të qetë, por shpesh të harruar.
Si shumë zona të thella, edhe Rrodokali është prekur nga emigracioni. Por duket se jo të gjithë largohen për të mos u kthyer. Danjel Novaku, një i ri i kthyer nga emigracioni, ka vendosur të investojë në fshatin e tij duke dërtuar një bujtinë. Danjeli thotë se pas 17 vitesh emigrim ka vendosur të mos ikë më, në bujtinë ai ka tri dhoma, një kuzhinë tradicionale, dhe
një furrë guri ku gatuhen ushqime të zonës, kjo bujtinë ofron jo vetëm pushim, por edhe përjetim të kulturës vendase.
Banorët e fshatit e mirëpresin këtë nismë. Ata shpresojnë që rikthime të tilla të sjellin më shumë jetë dhe vëmendje ndaj zonës veçanërisht për rrugët, që ende mbeten problem.
Danjeli synon që në të ardhmen të ndërtojë edhe shpiza druri, për ta zgjeruar kapacitetin e pritjes. Sigurisht nëse puna do i ecë mirë me tursitët.
Në Rrodokal duket se një kthim u kthye në mundësi. Dhe aty ku gurët flasin me histori, ka gjithmonë vend për shpresë.
