104 vite nga telegrami i banorëve të Pogradecit në Lidhjen e Kombeve
Më 27 shtator 1921, banorët e Pogradecit dhe zonave përreth iu drejtuan me një telegram Lidhjes së Kombeve, si një notë proteste kundër rrezikut që u kanosej trojeve shqiptare nga pushtimi serb pas Luftës së Parë Botërore.
Në dokumentin origjinal, i cili sot ruhet në Arkivin e Gjenevës, ata shprehen:
“Ne banorët e qytetit të Pogradecit dhe zonave përreth, të mbledhur sot më 27/9/1921, protestojmë kundër tendencave kriminale serbe që duan me çdo kusht të mbajnë me dhunë rajonet pastërtisht shqiptare. Le të sigurohemi që nëse kjo do të bëhet një fakt i kryer, do të jemi gati të derdhim edhe pikën e fundit të gjakut për të mbrojtur kufijtë tanë të vitit 1913 të përcaktuara nga Fuqitë e Mëdha në Konferencën e Londrës.”
Ky akt qytetar është një dëshmi e vendosmërisë dhe shpirtit patriotik të pogradecarëve për të mbrojtur trojet shqiptare.
Një tjetër dokument historik mbi qytetin tonë: “Rruga kryesore e Pogradecit”, foto e realizuar nga gazetari francez Louis Hamre dhe e botuar më 21 shtator 1929 në revistën franceze Journal de Voyages, në suplementin Turizmi, Shkencat dhe Sportet. Në sfond shfaqet kodra e Kalasë së Pogradecit, një monument i shekullit V para Krishtit.
Burimet nga Ledian Zeqollari në : Arkivin e Kombeve të Bashkuara Gjenevë; Biblioteka Kombëtare e Francës.
