Specialistët e Sektorit të Qarkullimit Rrugor referuan materialet në Prokurori, ku filloi procedimi penal për shtetasin G. R., 56 vjeç, pasi në aksin rrugor “Korçë – Ersekë”, duke drejtuar motomjetin, ka humbur kontrollin mbi drejtimin e tij dhe, si pasojë, është përplasur me një motomjet tjetër që drejtohej nga shtetasi Q. R., 56 vjeç. Nga përplasja është dëmtuar lehtë shtetasi G. R.
Shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasin M. P., 45 vjeç, banues në Korçë, pasi dyshohet se ka ushtruar dhunë ndaj babait të tij, i cili është i pajisur me urdhër mbrojtjeje.
Shërbimet e Komisariatit të Policisë Kolonjë referuan materialet në Prokurori, ku filloi procedimi penal për shtetasin P. L., 50 vjeç, banues në Ersekë, pasi është kapur duke kryer punime ndërtimi pa leje dhe ka kanosur me fjalë një punonjës të IMT-së.
Specialistët e Sektorit të Hetimit të Krimeve në DVKM Korçë referuan materialet në Prokurori, ku filloi procedimi penal për shtetasin P. D., 50 vjeç, banues në Vlorë, për veprën penale “Kalimi i paligjshëm i kufirit shtetëror”.
Materialet proceduriale iu referuan Prokurorisë së Korçës, për veprime të mëtejshme.
