Skënderbeu ka zhvilluar një miqësore ndaj Devollit, të cilën e fitoi me rezultatin 1-0 në Korçë. Goli i vetëm i takimit u shënua nga Ukiçi në minutën e 36-të.
Kjo ndeshje shërbeu si test për të mbajtur lojtarët në formë para sfidës së ardhshme ndaj Ilirisë. Skuadra e drejtuar nga Ernest Gjoka dominoi në pjesën më të madhe të lojës dhe krijoi disa raste, por pa arritur të finalizojë më shumë se një herë.
Miqësorja solli gjithashtu debutimin e sulmuesit Mario Gjata. 25-vjeçari u aktivizua për rreth 30 minuta. Ai shihet si zëvendësuesi i Bismarkut, i cili u transferua te Vllaznia.
