Policia e Korçës ka arrestuar tre persona dhe ka proceduar në gjendje të lirë shtatë të tjerë, pas një konflikti që ndodhi mbrëmjen e djeshme gjatë Festës së Birrës.
Sipas informacioneve, ngjarja ka nisur pasi një person në gjendje të dehur ka goditur një vajzë që punonte në një nga stendat e kompanive pjesëmarrëse.
Konflikti është përshkallëzuar me përfshirjen edhe të personave të tjerë të pranishëm në stendë, duke detyruar policinë të ndërhyjë menjëherë dhe të shoqërojë rreth 15 persona në komisariat.
Gjatë përpjekjes së policisë për zgjidhjen e konfliktit, bëhet me dije se personi që ka goditur punonjësen e stendës ka kundërshtuar edhe forcat e policisë
Pas hetimeve paraprake, tre persona u arrestuan dhe shtatë të tjerë po hetohen në gjendje të lirë
