Korçë, 23 Korrik 2025 – Drejtoria Vendore e Policisë Korçë ka publikuar bilancin e veprimeve policore të 24 orëve të fundit, ku janë regjistruar arrestime në flagrancë, procedime penale për vepra të ndryshme, si dhe disa aksidente rrugore me të lënduar.
Arrestime dhe procedime për shkelje të Kodit Rrugor
- U arrestua në flagrancë shtetasi A. Gj., 31 vjeç, banues në fshatin Klocë, pasi u kap duke drejtuar automjetin në gjendje të dehur.
- Filloi procedim penal për shtetasin A. H., 52 vjeç, banues në Tiranë, pas daljes nga rruga të automjetit që drejtonte. Nga aksidenti u dëmtuan lehtë dy pasagjerë.
- Procedim penal edhe për A. B., 23 vjeç, banues në Zvicër, i cili humbi kontrollin mbi drejtimin e motomjetit. Ai u dëmtua lehtë.
Veprime penale dhe shkelje të tjera
- Në Korçë, u procedua D. P., për kryerje punimesh ndërtimi pa leje, si dhe një 16-vjeçar, i dyshuar për ushtrim dhune ndaj nënës së tij, e cila është pajisur me urdhër mbrojtjeje.
- Në Pogradec, procedim për:
- H. R. (62 vjeçe) dhe Q. R. (64 vjeç), për kanosje ndaj një 36-vjeçari;
- F. L., për dhunë ndaj vëllait të tij;
- A. H., për kanosje me armë zjarri ndaj një 50-vjeçari. Gjatë kontrollit në banesën e tij nuk u gjet asnjë send i kundërligjshëm.
- Në Devoll, procedim për M. H., 48 vjeç, i cili nuk iu bind urdhrit të policisë për kontroll në automjet.
- Në Maliq, u procedua I. K., 55 vjeç, për ndezje të pakujdesshme të zjarrit, çka shkaktoi djegien e rreth 2 hektarëve me bimësi. U konstatua gjithashtu se ai po kryente punime ndërtimi pa leje.
- Në Bilisht, A. Xh., 56 vjeç, u procedua për veprat penale “Ushtrimi pa licencë i veprimtarisë financiare” dhe “Fshehja e të ardhurave”.
Ngjarje të tjera të ndodhura
- Në lagjen nr. 3, Pogradec, nga rrjedhja e gazit në një bombol shpërtheu zjarr në kiosën e L. M., 72 vjeçe, duke shkaktuar dëme materiale.
- Në lagjen nr. 6, Korçë, J. K., 73 vjeç, ndezi zjarr për djegien e mbeturinave dhe nga përhapja e flakëve u dogj një kasolle me tendë druri në pronësi të tij.
- S. L., 68 vjeç, nga Korça, tentoi vetëvrasjen me mjet prerës. Ai po trajtohet në spital dhe është jashtë rrezikut për jetën.
Aksident në aksin Korçë-Ersekë
Rreth orës 12:30 të datës 22 Korrik 2025, në aksin “Korçë-Ersekë”, drejtuesi i një automjeti, B. D., dyshohet se humbi kontrollin dhe automjeti doli nga rruga.
Nga aksidenti u plagosën:
- R. D., 66 vjeçe, pasagjere në automjet;
- A. A., 53 vjeçe, këmbësore.
Të dyja ndodhen në spital, jashtë rrezikut për jetën. Drejtuesi i automjetit u shoqërua në komisariat për hetime të mëtejshme.
Materialet procedurale
Të gjitha materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.I’m
