Një udhëtim artistik mes natyrës, kulturës dhe historisë së zonës së Prespës, sjellë përmes aparatit të një emri të njohur në artin fotografik.
Fotografi i njohur pogradecar, Ardian Fezollari, ka publikuar së fundmi albumin e tij më të ri me titullin “Zbulo Prespën”, një projekt që hedh dritë mbi bukuritë natyrore, njerëzit dhe trashëgiminë kulturore të kësaj treve të veçantë.
Pogradeci si vendlindje ka qenë gjithmonë në zemrën dhe objektivin e tij, por kësaj here, Fezollari na fton në një tjetër destinacion mahnitës, zonën e Prespës, të minoritetit maqedonas. Përmes një syri artistik të përpunuar me përvojë dhe ndjeshmëri, albumi sjell imazhe që rrallëherë janë parë në këtë formë.
Nuk mungojnë në këtë rrugëtim edhe detaje nga Devolli, Kolonja dhe Korça, ku vetë autori ka ushtruar funksione të rëndësishme në shërbimin policor, duke dëshmuar se arti dhe shërbimi publik mund të ecin paralelisht, kur pasioni për vendin dhe natyrën është i sinqertë.
Albumi “Zbulo Prespën” është një ftesë për ta parë Shqipërinë me një sy tjetër. më të thellë, më të vëmendshëm, më të dashur. Një thesar për adhuruesit e fotografisë, natyrës dhe historisë lokale.
#bufiurtë.al
