Ekipi i volejbollit për femra Skënderbeu ka nisur ndërhyrjen në merkato me synime të qarta për sezonin e ri: ndërtimin e një skuadre konkurruese që të rivalizojë për trofetë.
Burime nga klubi konfirmojnë se 7 lojtare pritet t’i bashkohen ekipit, katër prej tyre të huaja, ndërsa nga tri blerjet vendase, njëra do të marrë rolin e organizatores në fushë – një pozicion kyç në ndërtimin e aksioneve dhe ritmit të lojës.
Trajnerët Haxhillari dhe Shishi janë të qartë në strategji: të mbështeten te forca goditëse e volejbollisteve të huaja, duke u përqendruar në sulm si pika më e fortë për të bërë diferencën ndaj rivalëve.
Me këto lëvizje, Skënderbeu sinjalizon rikthimin në objektivat e larta, duke rritur ndjeshëm cilësinë në repartin ofensiv dhe ambicien për të qenë pretendent serioz ne te gjitha trofete e ketij sezoni.
