Nga Korça drejt Shteteve të Bashkuara të Amerikës, Neviana Zhgaba ka ndërtuar një histori suksesi në emigracion, duke ndërthurur karrierën profesionale me sipërmarrjen dhe ruajtjen e identitetit shqiptar.
Pas studimeve në Amerikë, ajo ndërtoi karrierën në fushën e teknologjisë, përpara se të ndërmerrte një rrugëtim të ri si sipërmarrëse. Së bashku me familjen, krijoi Aquila’s Nest Vineyards, një biznes në Connecticut, të dedikuar prodhimit të verës.
Sipërmarrja e saj ka marrë vlerësime në SHBA, ndërsa lidhjet me kulturën dhe traditat shqiptare mbeten pjesë e rëndësishme e identitetit të saj.
Historia e Neviana Zhgabës është një tjetër dëshmi e kontributit të shqiptarëve në diasporë, të cilët përmes punës, përkushtimit dhe iniciativës personale ndërtojnë suksesin larg atdheut, pa harruar rrënjët dhe vendin nga vijnë.


