Dy vëllezër, 32 dhe 28 vjeç, janë arrestuar nga Policia e Korçës pas një konflikti mes katër personash, ku mbetën të plagosur lehtë dy prej tyre.
Ngjarja ka ndodhur rreth orës 19:00, ndërsa dyshohet se konflikti ka nisur për motive të dobëta. Gjatë përplasjes fizike, dy persona kanë marrë dëmtime të lehta dhe janë transportuar në Spitalin e Korçës, ku kanë marrë ndihmë mjekësore.
Ramadan dhe Xhon Hasan te arrestuarrit.
Te demtuarit Bledar dhe Anci Gegolli
Përplasja ka sjellë edhe dëmtimin e një automjeti. Sipas policisë, gjatë konfliktit janë thyer xhamat e mjetit me një lopatë metalike me bisht druri.
Pas veprimeve hetimore, policia ka arrestuar në flagrancë dy vëllezërit, të dyshuar për veprat penale “Plagosja e lehtë me dashje”, “Prishja e qetësisë publike”, kryer në bashkëpunim, si dhe “Shkatërrimi i pronës”.
Materialet procedurale i janë referuar Prokurorisë së Korçës për veprime të mëtejshme.
