Në kuadër të 8 Dhjetorit, Ditës Kombëtare të Rinisë, kryetari i Bashkisë Pogradec zhvilloi një takim me Këshillin Vendor Rinor të qytetit.
Gjatë bisedës u diskutuan një sërë çështjesh me rëndësi për të rinjtë, duke u fokusuar në prioritetet për përmirësimin e infrastrukturës dhe shërbimeve rinore, si dhe në hartimin e një kalendari të qartë aktivitetesh dhe iniciativash për vitin 2026.
Një nga pikat kryesore të takimit ishte nevoja për një buxhet më të detajuar dhe specifik për sektorin e rinisë, në mënyrë që të mbështeten projektet me karakter dhe vokacion rinor.
Kryetari i Bashkisë e vlerësoi takimin si një hap të rëndësishëm drejt fuqizimit të rolit të të rinjve në vendimmarrje dhe rritjes së përfshirjes së tyre aktive në zhvillimin e komunitetit. Ai theksoi se të rinjtë janë energjia, vizioni dhe forca krijuese e Pogradecit, duke garantuar se Bashkia do të mbetet gjithmonë në krah të tyre për nisma dhe projekte që sjellin ndryshim pozitiv.
