Një rast shqetësues është raportuar në Komisariatin e Policisë Korçë nga një 61-vjeçare, e cila ka deklaruar se ka humbur kontaktet me nipin e saj, shtetasin N. Z., 21 vjeç, që ndodhet në Zvicër. Sipas dëshmisë së saj, kontakti me të riun është ndërprerë që prej datës 22 maj dhe familjarët nuk kanë më asnjë informacion mbi vendndodhjen e tij.
Autoritetet kanë nisur procedurat për verifikimin e këtij rasti dhe janë vënë në kontakt me partnerët ndërkombëtarë përmes kanaleve zyrtare, për të ndihmuar në lokalizimin e 21-vjeçarit. Policia ka bërë apel që kushdo që ka informacion të mundshëm mbi të riun, të kontaktojë menjëherë strukturat e rendit.
Familja e të riut është në pritje të ndonjë informacioni që mund të ndihmojë në zbardhjen e situatës.
