13 sportistë të Olimpikut Special Shqiptar po zhvillojnë në Korçë përgatitjet për Lojërat Olimpike Speciale “Santiago 2027”, që do të zhvillohen në Kili.
Sportistë nga Tirana, Korça, Elbasani dhe Pogradeci po stërviten në peshëngritje, atletikë dhe ping-pong. Ata zhvillojnë dy seanca në ditë, ndërsa trajnerët po kryejnë edhe vlerësime për përzgjedhjen e delegacionit që do të përfaqësojë Shqipërinë.
Korça është zgjedhur për zhvillimin e përgatitjeve edhe për shkak të kushteve të përshtatshme klimaterike gjatë kësaj periudhe.
Përzgjedhja përfundimtare e delegacionit shqiptar pritet të bëhet brenda këtij viti.
Mes sportistëve është edhe Adi Sula, i cili synon të jetë pjesë e ekipit shqiptar në Santiago dhe të luftojë për medaljen e artë në peshëngritje.
Sportistët vijojnë përgatitjet intensive me synimin për të përfaqësuar denjësisht Shqipërinë në Lojërat Olimpike Speciale 2027.
