Klubi i Volejbollit të Femrave Pogradec ka zyrtarizuar sot përforcimin e parë të huaj për sezonin sportiv 2025-2026.
Bëhet fjalë për volejbollisten nga Argjentina, Valentina Moya, e cila ka firmosur marrëveshjen me ekipin pogradecar dhe do të jetë pjesë e skuadrës në garat kombëtare për sezonin e ri.
Ky është një hap i rëndësishëm për ambiciet e klubit në drejtim të rritjes së cilësisë dhe konkurrencës në kampionat.
Moya, e njohur për teknikën dhe eksperiencën e saj ndërkombëtare, pritet të sjellë një dimension të ri në lojën e skuadrës.
