Voskopoja vijon të konsolidohet si një nga destinacionet më të preferuara jo vetëm për turistët vendas dhe të huaj, por edhe për institucionet arsimore.
Së fundmi, studentë të programit Bachelor në Edukim Fizik dhe Sporte nga Universiteti i Elbasanit kanë zgjedhur Voskopojën për zhvillimin e kursit praktik të skive. Kushtet natyrore, terreni malor dhe infrastruktura e zonës kanë krijuar mundësi të përshtatshme për realizimin e aktiviteteve sportive dhe edukative në natyrë.
Ky aktivitet përforcon më tej rolin e Voskopojës si një hapësirë me potencial të lartë për turizëm malor, sport dhe formim profesional, duke e kthyer atë në një pikë referimi për iniciativa akademike dhe zhvillimore.
