Ujësjellës Kanalizime Korçë SH.A. i bën thirrje qytetarëve që të përdorin ujin me kujdes dhe përgjegjësi, veçanërisht gjatë muajve të verës, kur temperaturat e larta rrisin ndjeshëm kërkesën për furnizim.
Në një njoftim zyrtar, UKRK nënvizon se burimet ujore po pakësohen vit pas viti si pasojë e ndikimeve klimatike dhe shpërdorimeve të panevojshme, ndaj përdorimi racional i ujit bëhet gjithnjë e më i domosdoshëm.
“Çdo pikë e humbur sot, mund të mungojë nesër për dikë tjetër,” thuhet në apelin e ndërmarrjes, që thekson se furnizimi i qëndrueshëm me ujë është i mundur vetëm nëpërmjet një përdorimi të arsyeshëm nga të gjithë.
UKRK bën thirrje për ndërgjegjësim dhe solidaritet qytetar, duke e cilësuar ujin si një nga pasuritë më jetike, që meriton të mbrohet dhe ruhet me përgjegjësi kolektive.
