Bashkia e Korçës ka tenderuar kërkesën për blerje nafte për emergjencat civile. Shifra që bashkia Korçë ka vendosur ka qenë 2 178 703,00 lekë, po aq sa ky tender është fituar.
Kanë qenë dy kompanitë që kanë hyrë në garë, Merolli Oil dhe EUROPETROL DURRES ALBANIA SHA
E pakuptimtë është sesi Merolli Oil ka fituar në fondin limit, duke mos bërë asnjë ulje, ndryshe nga çfarë kishte propozuar kompania tjetër. Pra, Bashkia Korçë ka shpallur fitues Merolli Oil përballë një kompanie që për të njëjtën sasi nafte kishte kërkuar më pak lekë.
Një tjetër tender i çuditshëm i bashkisë Korçë është Shërbime mirëmbajtje dhe përmirësim faqe web Bashkia dhe Korçë Tourism, ku Emerlinda Gjana e INSTANT.AL ka marre 6 milion lekë vetëm për disa ndryshime në website e bashkisë Korçë.
