Drejtoria Vendore e Policisë Korçë bën të ditur se, në vijim të informacionit paraprak për aksidentin e ndodhur një ditë më parë në aksin “Korçë–Bilisht”, pranë fshatit Progër, është arrestuar në flagrancë drejtuesi i automjetit që shkaktoi ngjarjen.
H. K., 27 vjeç, banues në Bilisht, duke drejtuar automjetin, përplasi me pasojë vdekjen H. R., 76 vjeç, banues në Mançurisht.
Gjithashtu, u arrestua në flagrancë A. H., 62 vjeç, nga Memëlisht i Pogradecit, pasi u kap duke drejtuar mjetin në gjendje të dehur.
Ndërkohë, Specialistët e Hetimit të Narkotikëve kanë referuar materialet në Prokurori për një 17-vjeçar në Korçë, të cilit gjatë kontrollit fizik iu gjet një sasi lënde e dyshuar kanabis.
Po në Korçë, shërbimet e komisariatit nisën procedimin penal për një 17-vjeçar tjetër, i dyshuar se ka goditur me grusht një 15-vjeçar, për motive të dobëta.
Në Kolonjë, procedim penal nisi për Xh. K., 36 vjeç, nga fshati Qinam, pasi dyshohet se ka goditur me gur një 60-vjeçar, për motive të dobëta.
Ndërsa në Maliq, Gj. B., 42 vjeç, banues në Korçë, u procedua penalisht pasi dyshohet se ka kanosur me telefon një 28-vjeçar.
Materialet procedurale iu referuan Prokurorisë pranë Gjykatës së Shkallës së Parë Korçë, për veprime të mëtejshme.
