Pas publikimit të planit sektorial në turizëm, tatimet kanë publikuar edhe pagat referencë sipas pozicioneve të punës në këtë sektor.
Tatimet njoftojnë bizneset e sektorit të turizmit se do të analizohen pagat e punonjësve të deklaruar në listëpagesa.
Për vlerësimin e riskut të tatimpaguesve që shmangin pagesën reale të pagave të punonjësve, analiza do të ketë si element krahasues pagat indikative të profesioneve në sektorin e turizmit sipas tabelës së publikuar mga tatimet.
Administrata tërheq vëmendjen se çdo tatimpagues që pagën e punonjësit të tij të deklaruar, për profesionet e sipërpërmendura ose të ngjashme me to, do ta ketë nën nivelin e pagës indikative, do të konsiderohet me risk dhe do të bëhet objekt i verifikimeve të thelluara.
Tatimet theksojnë se kjo nisma ka në fokus rritjen e deklarimeve, si edhe pagesën e sigurimeve shoqërore dhe shëndetsore në masën e duhur, kjo me qëllim përfitimin e një pensioni dinjitoz për punonjësit.
