Bashkia Pogradec, në bashkëpunim me Njësinë Vendore të Kujdesit Shëndetësor (NJVKSH), ka vijuar gjatë këtyre ditëve me procesin e dezinsektimit në disa zona të qytetit, me fokus të veçantë përgjatë shëtitores së liqenit.
Kjo ndërhyrje ka për qëllim uljen e rrezikut nga insektet që mund të përhapin sëmundje dhe garantimin e një mjedisi të pastër dhe të sigurt për qytetarët dhe pushuesit, gjatë gjithë sezonit veror.
Dezinsektimi është një nga masat rutinë që ndërmerren çdo vit, si pjesë e politikave të bashkisë për përmirësimin e cilësisë së jetës dhe shërbimeve publike.
“Angazhimi ynë për një qytet të pastër dhe të sigurt është i përditshëm. Dezinsektimi është vetëm një nga masat parandaluese që ndërmarrim për të mbrojtur shëndetin e qytetarëve dhe vizitorëve,” u shpreh Drejtori i Shërbimeve Publike në Bashkinë Pogradec.
Bashkia siguron se do të vijojë me këto ndërhyrje periodike edhe në ditët në vijim, për të garantuar një ambient sa më të shëndetshëm dhe mikpritës për të gjithë.
