Korçë – Klubi Sportiv Shumësportësh Skënderbeu ka zyrtarizuar afrimin e volejbollistes kolumbiane Nathalia Borrero Acosta, e cila do të jetë pjesë e ekipit të volejbollit për femra për sezonin sportiv 2026–2027.
Borrero Acosta luan në rolin e organizatores dhe vjen në Korçë pas eksperiencave të saj ndërkombëtare. Ajo pritet të sjellë në skuadër cilësi, vizion loje dhe eksperiencë në organizimin e sulmit.
Afrimi i volejbollistes kolumbiane shihet si një përforcim i rëndësishëm për Skënderbeun, në funksion të objektivave që klubi ka për sezonin e ri.
Klubi i uron mirëseardhjen Nathalia Borrero Acosta dhe suksese me fanellën kuqebardhë. ❤️🤍
