Muaji gusht ka nisur me një rritje të konsiderueshme të lëvizjes në pikat kufitare të vendit, veçanërisht në Kapshticë dhe Qafë Thanë, ku është vërejtur një fluks i lartë hyrjesh dhe daljesh të udhëtarëve.
Shumë emigrantë shqiptarë kanë zgjedhur të kalojnë pushimet pranë familjarëve ose në bregdetin shqiptar. Ndërkohë, një pjesë e tyre që qëndruan për disa ditë në atdhe, kanë nisur tashmë rikthimin drejt vendeve ku jetojnë dhe punojnë.
Të dhënat zyrtare tregojnë:
PKK Kapshticë: 9.456 kalime shtetasish dhe 3.439 mjete
PKK Qafë Thanë: 10.070 kalime shtetasish dhe 3.580 mjete
Tushemisht: mbi 3.300 kalime
Goricë: rreth 1.000 kalime
Përballë fluksit, autoritetet kufitare kanë marrë masa shtesë, duke shtuar sportelet, forcuar praninë e personelit policor dhe aplikuar procedura të përshpejtuara, për të garantuar një proces sa më të shpejtë dhe pa vonesa.
Fluksi pritet të vijojë deri në fund të muajit gusht, me kulme të reja gjatë fundjavave në vijim.
