Brenda pak ditëve në juglindje të vendit janë shënuar tre raste të vetvarjes, dy prej të cilëve të moshë 19 dhe 20 vjeç. Sipas përgjegjëses të qendrës të shëndetit mendor Nikolina Bode asnjëri prej tyre nuk ka qenë i kartelizuar pranë kësaj qendre. Ajo shton se të gjitha këto vijnë për arsye të shumta njëra prej të cilave është rrjetet sociale, mos plotësimi i tyre, problemet sociale dhe familjare që kanë si dhe përdorimi i lëndëve narkotike.
Për mjeken Nikolina Bode krejt ndryshe paraqitet situata për personat që janë nën kujdesin e qendrës por dhe mjekëve të fushës.
Për punonjësen sociale Nertila Sterjo familjet duhet të jenë më bashkëpunuese me mjekët e fushës, pasi janë ato që vërejnë çrregullimet e ndryshme tek fëmijët dhe pjesëtarët e tjerë të familjeve. Për Sterjon rastet që trajtohen kanë rrisk minimal për të shkuar deri këtu.
Vetëm gjatë vitit 2025 në Qarkun e Korçës ka pasur 8 tentativa për ti dhënë fund jetës, kryesisht me medikamente, ndërkohë që në të njëjtën periudhë ka pasur gjashtë raste të vetvrasjeve.
