Pas një periudhe intensive dhe të suksesshme në drejtimin e volejbollit të të rinjve, trajneri i njohur Romeo Xega është pranë një rikthimi të bujshëm në drejtimin e një skuadre të parë. Janë dy skuadra në Shqipëri përfliten si dy ekipet më të interesuara për të firmosur me specialistin e mirënjohur të volejbollit juglindor.
Karriera e Xegës flet vetë:
2012–2014 – Zv.trajner i ekipit të vajzave të Skënderbeut
2014–2015 – Trajner i parë i ekipit të vajzave Skënderbeu
2016–2019 – Zv.trajner i ekipit të parë dhe trajner i U20
2019–2020 – Trajner i ekipit të parë të Skënderbeut
2020–2024 – Trajner i “Korça Volley” për moshat U18-U20
Gjatë këtyre viteve, ai ka ndërtuar një bazë të fortë talentesh, shumë prej të cilave sot luajnë në nivelet më të larta të volejbollit shqiptar, madje disa janë pjesë e ekipit kombëtar. Një kthim i Xegës në pankinën e një ekipi elitar mund të shoqërohet edhe me afrimin e disa prej ish-lojtareve të tij, që gëzojnë respektin dhe besimin e plotë ndaj tij.
Burime pranë dy klubeve tregojnë se negociatat janë në fazë fillestare, por vullneti për bashkëpunim është i fortë, veçanërisht në një kohë kur ekipet kërkojnë stabilitet dhe ndërtim afatgjatë.
