Galeria e Arteve Digjitale Korçë ka kënaqësinë t’ju ftojë në premierën e shfaqjes multimediale 360° për fëmijë “Arti i barabarti”, bazuar në librin me të njëjtin titull të autorit Gentian Minga dhe ilustrueses Ema Bregu. Një vepër për diversitetin dhe gjithëpërfshirjen, e cila frymëzon, edukon dhe prek zemrat e çdo njeriu.
“Arti i barabarti”, një histori për të gjithë, pa asnjë përjashtim.
Të vegjël e të mëdhenj. Biond apo brun. Me quka e pa quka. Me flokë kaçurrela apo të drejtë. Me sy blu apo kaf. Trazovaçë apo të urtë. Artistë e shkencëtarë të ardhshëm. Myslimanë e të krishterë. Shqiptarë apo të huaj. Ëndërrimtarë dhe aventurierë.
Ejani siç jeni. Në këtë eksperiencë imersive ka vend për të gjithë.
Galeria e Arteve Digjitale Korçë
30 maj 2025, ora 18:00
Ju mirëpresim në një shfaqje unike për empatinë dhe tolerancën.
Ky projekt është financuar nga Ministria e Kulturës, Ekonomisë dhe Inovacionit dhe është mbështetur nga Bashkia Korçë.
