Bashkia e Korçës është duke përfunduar rikonstruksionin e një godine e cila do të shërbejë për strehimin e qenve endacakë, si për për trajtimin e sterilizimin e tyre duke i dhënë kështu zgjidhje një problemi dhjetëravjecar në qytet
“Bashkia Korçë ka përfunduar ndërtimin e qendrës së re që do të shërbejë për trajtimin e qenve endacakë. Në vijim për të zgjidhur një problem shqetësues për qytetarët ka nisur një bashkëpunim me veterinerët. Pra projekti është tashmë i përfunduar në aspektin e godinës dhe jemi në fazën e implementimit të procesit që synon të sjellë hapa konkretë për qytetarët ”
Kristi Morava është një nga veterinerët që prej kohësh i është dedikuar këtij problemi. Ai thekson se shqetësimi është i madh ndaj e kërkohet kujdes në zgjidhjen e situatës
” Qentë e pastrehë dhe numri i tyre në rritje është problem e shqetësim që është vënë re. Është shqetësim që përbën një masë për të ardhmen, sepse nqs lihet në këto kushte, do vijnë duke u shtuar gjithmonë e më tepër. Shqetësimi ekziston edhe për ata si vatra sëmundjesh, mund të përhapin sëmundje në masë. Është një investim i shumëkërkuar, emergjent, kam qenë në kontakt me struktura të bashkisë. Streheza do të thotë zgjidhje definitive duke trajtuar në mënyrë humane. Mund të bëhen analiza nqs ka sëmundje që transmetohen, ka një prezencë të shtuar të leshmanjozes, nqs ka strehë menaxhohet. Mund të bëhen trajtime me efektive të numrit të tyre ”
Të shumta kanë qenë rastet kur qentë e rrugës kanë shkaktuar probleme lidhur me sëmundje të ndryshme e njëkohësisht, ka patur raste të paraqitura në spitalin rajonal të Korçës, kur qytetarë janë sulmuar nga grupe qensh
