Ish Deputeti demokrat Ervin Salianji ka zhvilluar një takim me qytetarë dhe mbështetës në Korçë, duke ndarë me ta mirënjohjen për mbështetjen e vazhdueshme që ka marrë ndër vite.
“Takova me falënderim e mirënjohje miqtë dhe mbështetësit që më kanë dhënë e më japin forcë të pashtershme. Ky rikthim mes jush më jep energji për betejat që kemi përpara”, shkruan ai në rrjetet sociale.
Salianji theksoi se Korça ka qenë dhe mbetet shtëpia e tij politike, aty ku nisi rrugëtimin e tij dhe ku gjithmonë do të kthehet “për t’u ringritur me shumë dinjitet, vendosmëri dhe besim në të ardhmen”.
