U zhvillua sot ceremonia e prezantimit të Prefektes së re të Qarkut Korçë, znj. Florinda Zegullaj, e cila zëvendëson në këtë detyrë Nertil Jolen
Në fjalën e tij, prefekti në detyrë Nertil Jole falënderoi institucionet dhe bashkëpunëtorët për punën dhe mbështetjen gjatë kohës së ushtrimit të funksionit, duke theksuar rëndësinë e bashkëpunimit ndërinstitucional për përballimin e sfidave në nivel qarku.
Më pas, prefektja e re Florinda Zegullaj shprehu angazhimin e saj për të ushtruar detyrën me përgjegjësi, transparencë dhe bashkëpunim të ngushtë me të gjitha institucionet vendore dhe qendrore, në shërbim të qytetarëve të qarkut Korçë.
Në këtë ceremoni morën pjesë drejtues të institucioneve të të gjithë qarkut Korçë, përfaqësues të pushtetit vendor dhe strukturave shtetërore.
