Pogradeci rikthen një nga traditat e tij më të dashura, Festën e Verërave dhe Gështenjës, një aktivitet që prej mbi 30 vitesh i jep qytetit aromën e qilareve, shijen e verës familjare dhe mikpritjen karakteristike pogradecare.
Më 5 dhe 6 dhjetor, nga ora 18:00, qendra e Pogradecit do të transformohet në një hapësirë të madhe festive, me muzikë, drita dhe surpriza për të gjithë vizitorët.
Në natën e parë, më 5 dhjetor, Pogradeci do të ndezë njëkohësisht edhe dekorin e festave të fundvitit, duke sjellë atmosferën e ngrohtë të dhjetorit në çdo cep të qytetit.
Në skenë do të performojnë artistë të njohur:
Endri & Stefi
Bledi Kaso & Band
Host Stuff Band
Si edhe artistë të tjerë që do të sjellin ritëm dhe emocion gjatë të dy netëve festive.
Festa e Verërave dhe Gështenjës është më shumë se një event; është një rikthim te rrënjët, te qilari ku ruhet tradita dhe ku nis mikpritja që e ka bërë Pogradecin një nga qytetet më të dashura të juglindjes.
Një ftesë e hapur për të gjithë qytetarët dhe vizitorët që duan të festojnë me muzikë, traditë dhe atmosferën e kendshme të fundvitit.
