Nëse ka një vend në Korçë ku shija takohet me tingujt dhe atmosfera e mirë është e garantuar, ai është padyshim restoranti Panda. Prej vitesh, ky emër është bërë sinonim i mikpritjes, traditës dhe çmimeve të arsyeshme, duke e kthyer në një destinacion të pashmangshëm jo vetëm për korçarët, por edhe për çdo vizitor që vjen nga jashtë.
Ajo që e dallon Panda në mes të qindra opsioneve në qytet është muzika live, një element që e ngjall mbrëmjen dhe e kthen çdo darkë në një përjetim. Çdo natë, këngëtarja e njohur korçare Lazarela ngjitet në skenë për të sjellë jo vetëm këngët më të dashura të repertorit shqiptar, por edhe emocione të vërteta për të pranishmit.
Zëri i saj i ngrohtë, i shoqëruar nga një atmosferë e këndshme dhe një shërbim i kujdesshëm, i jep restorantit Panda një tjetër dimension, atë të një shtëpie ku ushqimi shijohet më mirë me muzikë në sfond.
Kuzhina e Pandës është një tjetër arsye për t’u ndalur aty. Përveç gatimeve tradicionale korçare, vitet e fundit menyja është pasuruar për të kënaqur çdo shije, nga më klasikja tek më bashkëkohorja.
Në Panda, nuk vjen vetëm për të ngrënë, por për të përjetuar Korçën, me këngë, me shije dhe me shpirt. Dhe kjo është arsyeja pse çdo mbrëmje aty është një festë më vete.
