Pas zgjedhjeve të 14 majit, opozita në Korçë është kthyer në një legjendë, flitet se ekziston, por askush s’e ka parë…
Dikur flisnin për ndryshim, për “qytetin që ka nevojë për zgjim”, sot nuk dëgjohet më, madje as mërmërin… Thjesht heshtje totale!
E vetmja opozitë që i ka mbetur Korçës është në komentet e Facebook-ut, edhe ato shpesh me nerv se me mendim.
Po qyteti?! Qyteti e ka kuptuar, opozita s’është më pjesë e skenës politike, është kthyer në ndonjë grup miqsh që pinë kafe dhe kujtojnë kohët kur bënin lista e koalicione.
Ndërkohë, nga ana tjetër pushteti ka luksin të bëjë ç’të dojë, jo se është perfekt jooo, por sepse s’ka kush e kundërshton, sepse opozita është bërë si një stacion radioje që është thjesht si frekuencë, është aty diku, por nuk transmeton asgjë.
E nëse dikush nga ata që dikur quheshin opozitarë po e lexon këtë shkrim, e ftoj vetëm për një gjë, të kujtohet se pse hyri në politikë. Sepse përndryshe shumë shpejt, emrat e tyre do t’i shohim vetëm në arkiv – me titullin: “Ishte dikur opozita në Korçë…”
