Fluturie Potka prej vitesh banonte e vetme në një pallat në lagjen periferike të qytetit të Korçës dhe mëngjesin e sotëm ka gjetur vdekjen pasi një zjarr ka përfshirë kuzhinën e apartamentit ku banonte në katin e dytë
Kanë qenë fqinjët ata që kanë lajmëruar policinë dhe shërbimin zjarrfikës të cilët kanë arritur të izolojnë flakët pa depërtuar se pari ne ambientet e tjera të apartamentit dhe pallatit
Sipas fqinjëve, 73 vjeçarja jetonte e vetme pasi njëri nga fëmijët e kishte në emigracion ndërsa tjetri në kryeqytet
Policia po heton për zbardhjen e rrethanave të rastit ndërsa ky nuk është rasti i parë kur te moshuarit që jetojnë vetëm gjejnë vdekjen brenda banesave të tyre në Korçë
