Sipas burimeve nga grupi hetimor, dyshohet se autori mund të ketë pasur njohje me viktimën, çka mund të ketë bërë të mundur hyrjen në banesë me pëlqimin e tij. Pas kryerjes së krimit, i dyshuari dyshohet se është larguar duke mbyllur me çelës derën e jashtme të banesës.
Kjo ka shtyrë policinë të marrë në pyetje persona që kishin njohje të afërt me të moshuarin, me qëllim zbardhjen e plotë të ngjarjes.
Pas marrjes së njoftimit, një familjar ka hyrë në banesë nga dritarja për të hapur derën nga brenda për efektivët e policisë.
Burimet bëjnë me dije se viktima është gjetur me dy dëmtime në kokë, të cilat dyshohet se i kanë shkaktuar vdekjen.
Hetimet vijojnë për identifikimin dhe kapjen e autorit.
