Pas 10 vitesh në krye të Myftinisë së Korçës, Ledian Cikalleshi largohet nga ky institucion për të vijuar shërbimin në një qytet tjetër. Në vend të tij, detyrën e Myftiut të Korçës e merr Erjol Haxhiu.
Në fjalën e tij të lamtumirës, Cikalleshi e cilësoi largimin një moment të vështirë, duke kujtuar vitet e shërbimit pranë komunitetit, bashkëpunimin me besimtarët dhe institucionet, si dhe mbështetjen e marrë gjatë kësaj periudhe.
Myftiu i ri, Erjol Haxhiu, e vlerësoi marrjen e detyrës si një kënaqësi dhe përgjegjësi, duke shprehur angazhimin për të qenë pranë besimtarëve dhe veçanërisht shtresave në nevojë.
Ndryshimi në drejtimin e Myftinisë u shoqërua me një pritje të organizuar në Korçë, ku morën pjesë përfaqësues të pushtetit vendor, institucioneve të ndryshme, besimtarë dhe qytetarë.
Screenshot
