Aktorja e njohur Monika Lubonja ka reaguar në mënyrë ironike ndaj kritikave që ka marrë në rrjetet sociale pas publikimit të videove intime ku shfaqet së bashku me kompozitorin Adrian Hila.
Përmes një postimi në Instagram, Lubonja ka zgjedhur t’u përgjigjet kritikëve me një mesazh të tërthortë. Në video, ajo shfaqet duke buzëqeshur, ndërsa në mbishkrim shkruan: “A e dëgjove se çfarë thanë për ty? Jo, unë nuk e flas gjuhën e tyre”.
Mesazhi shoqërohet me një audio ku dëgjohen qen duke lehur, një mënyrë kjo përmes së cilës aktorja duket se ironizon personat që e kanë kritikuar.
Kujtojmë se pas publikimit të materialeve intime, Monika Lubonja deklaroi se nuk kishte pasur dijeni dhe nuk kishte dhënë pëlqimin për filmimin apo shpërndarjen e tyre. Ajo bëri të ditur se i ishte drejtuar drejtësisë dhe kishte ndërmarrë hapa ligjorë ndaj kompozitorit Adrian Hila, duke kërkuar respektimin e privatësisë dhe dinjitetit të saj.
