KATEGORIA E PARË/ Skënderbeu pëson humbjen e parë mes tensionit, Besa ё në fund ia del të fitojë. Mësoni rezultatet dhe shihni golat

Java e 9-të e Kategorisë së Parë ka sjellë humbjen e parë në këtë edicion të Skënderbeut kryesues. Skuadra korçare është mundur me shifrat 3-2 përballë Kastriotit.

Sfida ka qenë shumë e tensionuar, me ndërprerje të vazhdueshme, përfshirë një tërheqje të përkohshme nga fusha të krutanëve, sherre e dy kartonë të kuq. Në fund, Kastrioti fitoi 3-2 duke marrë suksesin e parë të sezonit, ndërsa ekipi korçar pësoi një humbje që gjithsesi nuk i rrezikon asgjë në kreun e renditjes.

Kjo pasi Laçi i vendit të dytë nuk ka përfituar, duke u ndalur në barazimin pa gola përballë Luftëtarit, ndërsa një gjë të tillë e ka bërë Pogradeci me suksesin 2-1 ndaj Korabit.

Pa gola u mbyll edhe dueli mes Burrelit e Lushnjës, ndërsa më në fund Besa ka shijuar fitoren, teksa ka mundur me rezultatin 3-1 Kukësin.

REZULTATET 

Besa 3-1 Kukësi 

14′, 45+2′ Abdullai, 16′ Danaj – 74′ (p) Ballhysa

Luftëtari 0-0 Laçi 

Kastrioti 3-2 Skënderbeu 

33′, 51′ (p) Hoxha, 37′ Kapllani – 27′ Abubakar, 66′ (ag) Kacbufi

Korabi 1-2 Pogradeci 

81′ Morina – 45+2′(p) Ezekiel, 85′ Pere

Burreli 0-0 Lushnja