Ishte 1977 kur në qytetin e Korçës u zhvillua koncerti “Zërat e Rinj” dhe në këtë koncert konkurues do t’i bashkohej asokohe edhe djaloshi Izaet Malo.
Dalja e parë në skenë para një publiku të gjerë dhe kritik në moshë të re u evidentua me një interpretim të bukur të tij duke marrë kështu duartrokitje të zjarrta nga publiku korçar. Muzika ka qënë dhe mbetet gjithmonë pasioni i tij edhe sot kur ai nuk del më në skenë.Izeti pas daljes së parë në skenë u angazhua më pas për vite me radhë edhe si pjesë Estradës së Korçës, ku mori pjesë në dhjetra shfaqje që kjo e fundit organizonte në të gjithë Shqipërinë.
Më pas Izeti vazhdon shkollimin për kanto në Tiranë ku përfundon studimet në vitin 1988. Profesionin si këngetar e ushtroi për disa vite dhe më pas krejt rastësisht vendosi të hiqte dorë për t’iu përkushtuar një tjetër profesioni.Vendos ti futet fushës së hoteleri turizmit dhe prej shumë vitesh ka punuar dhe punon me pasion të madh.
Ai ka punuar në shumë restorante të qytetit Pogradecit, tashmë bëhen 25 vite që ushtron profesionin në fushën e hotelerisë me një mikpritje, buzëqeshje dhe mirësjellje për çdo klient.
Izaet Malo cilësohet nga të gjithë një burrë fisnik, fjalëpak, i qetë, i edukuar dhe mbi të gjitha shumë i shkathët. Ai i befason të gjithë klientët me mirësjelljen e tij dhe mënyrës si i pret e i përcjell.
Gjatë “karrierës” së tij si kamarier ai ka pasur rastin të shërbejë edhe për ish Presidentit të Shqipërisë z.Rexhep Mejdani. Por nuk mungojnë “takimet” edhe shumë figura të larta të politikës dhe artit shqiptar. Edhe sot Izeti vazhdon ta ushtrojë këtë profesion me dinjitet dhe elegancë ashtu si i ka hije dhe siç do i kishte hije çdo kamarieri.
Ndryshe nga shumë të tjerë ai e sheh këtë punë si profesion me të cilin ka arritur të mbajë familjen dhe kurrë se ka parë si trampolinë për tjetër kund. Çdokush e do Izetin në restorantin e tij për gjithçka u tha më lart.
