Ka nisur paralajmërimi i punonjësve të IKMT Korçë dhe ARRSH ndaj bizneseve të cilat ndodhen në anë të rrugës nacionale Korçë – Pogradec, Korçë – Bilisht. Sipas njoftimit të tyre, çdo ndërtim i cili është pa certifikatë pronësie do të prishet, qoftë ky biznes i vogël apo i madh. Njoftimin për të hequr çdo ndërtim apo objekt i cili ndodhet jo me larg se 6 metër nga rruga kryesore e kanë patur edhe shtëpitë private, të cilat duhet të heqin muret rrethues.
Burime shtojnë se përgjatë akseve nacionale Korçë – Pogradec dhe Korçë – Bilisht janë mbi 100 biznese të cilat preken nga ky rregull i ri dhe mbi 40 banesa.
