Institucioni i Ekzekutimit të Vendimeve Penale në Korçë është pajisur së fundmi me një autoambulancë të re moderne, falë bashkëpunimit me Drejtoria e Përgjithshme e Burgjeve.
Kjo pajisje e re vjen si një investim në përmirësimin e infrastrukturës shëndetësore brenda sistemit penitenciar dhe synon:
- Shërbim më të mirë mjekësor për të dënuarit
- Reagim më të shpejtë në raste emergjente
- Rritje të sigurisë dhe efikasitetit në transportin shëndetësor
Drejtoria e IEVP Korçë falënderon për mbështetjen e vazhdueshme Ministrin e Drejtësisë, z. Ulsi Manja dhe Drejtorin e Përgjithshëm të Burgjeve, z. Klevis Qose, për angazhimin e tyre në rritjen e standardeve të trajtimit dhe shërbimeve brenda sistemit të burgjeve.
“Kjo është një arritje që reflekton përkushtimin për një sistem penitenciar më funksional dhe më human,” – thuhet në reagimin zyrtar të institucionit.
Autoambulanca e re është tashmë në funksion dhe gati për të përballuar çdo situatë mjekësore emergjente brenda apo jashtë institucionit.
