Sulmuesi norvegjez Elias Arflot nuk do të jetë më pjesë e Skënderbeut. Futbollisti, i cili iu bashkua skuadrës korçare në janar të këtij viti dhe u pagëzua nga tifozët me nofkën “Haland” për ngjashmërinë fizike me yllin e Manchester Cityt, ka zyrtarizuar largimin e tij.
Arflot ka firmosur me klubin kosovar Trepça, duke nisur kështu një aventurë të re në karrierën e tij. Eksperienca te Skënderbeu nuk rezultoi ashtu siç pritej, ndërsa palët kanë ndarë rrugët pas vetëm disa muajsh bashkëpunim.
Largimi i norvegjezit është një tjetër lëvizje në merkaton verore të Skënderbeut, që vijon të riformatojë organikën për sezonin e ri.
