Pas barazimit 2-2 në miqësoren e parë, Shqipëria U-19 e vajzave fitoi duelin e dytë ndaj Rumanisë, me rezultatin 4-2.
Në takimin e zhvilluar në stadiumin “Skënderbeu” në Korçë, skuadra kuqezi e drejtuara nga trajnerja Lucije Gjini ishte dominuese.
Shqipëria e nisi shumë mirë ndeshjen duke kaluar në avantazh që në minutën e gjashtë me golin e Xhesika Ndoj. Në minutën e 34-t, Klesta Ago dyfishoi rezultatin, duke çuar vajzat kuqezi në pushimin mes pjesëve me epërsinë 2-0.
Në fraksionin e dytë, Xhesika Ndoj ishte sërish protagoniste, duke realizuar edhe dy gola të tjerë, për të kompletuar tripletën e saj personale. Rumania reagoi dhe shënoi dy gola, por vetëm kaq, pasi nuk mundi të përmbyste rezultatin.
Kjo ishte ndeshja e dytë miqësore mes dy përfaqësueseve, pas barazimit 2-2 në takimin e parë.
