Mungesa e rezervave ujore në fushën e Maliqit dhe jo vetëm ka detyruar fermerët të investojnë për çeljen e puseve për të siguruar një sistem minimal vaditje
Kamber Halim nga fshati Pendavinji dhe Mehdi Kulla nga fshati Zemblak, fermerë të fushës së Maliqit tregojnë për vështirësitë që po hasin për vaditjen e kulturave bujqësore
Në kushte thatësirë kanë qenë të detyruar të investojnë për të hapur puse për të siguruar ujë për vaditje duke rritur kështu në maksimum koston e prodhimit
“po vadit. Nuk ka ujë, ujë ska, janë prerë, I kemi mbjellë do I përballojmë. Vaditje nga e keqja, hap një pus këtu, hap aty. Kostoja rritet, një pus vete 1 milion lek. Komplet e tëra, të gjithë me puse. Dëm për fermerët është. Do bëhen prodhimet e t’i i shet badjava ”
” Nuk vjen uji, kemi siguruar vet, kemi shpuar sonda. Mundohemi c të bëjme? Ska ujë, diga është aty matanë. Në fshatin Cangonj. Mblidhet aty e bëjnë me radhë. Janë dy krah. Me e sigurte kjo është, me atë siguri nuk ke, tani duhet uji, ai nuk e lëshon kanalin. Rrojmë se nuk vdesim dot ”
I kontaktuar, drejtori i bordit të kullimit pranë bashkisë Maliq Astrit Zholanji tha se këtë vit, ndryshe nga një vit më parë, për shkak të mungesës së reshjeve në stinën e dimrit ka 40% më pak rezerva ujore ndërsa diga e Zemblakut nuk plotëson nevojat e fermerëve të fushës së Maliqit, Devollit e Korçës
Vetëm fusha e Maliqit ka 1200 hektarë të mbjella me kultura të ndryshme bujqësore e më shumë se 30% e fermerëve sistemin e vaditjes e kanë zgjidhur në mënyrë individuale
