Banorët e lagjes “Muço Qulli” në qytetin e Korçës kërkojnë ndërhyrjen e institucioneve për përfundimin e punimeve për shtrimin e rrugës, e cila prej më shumë se 30 vitesh vijon të jetë problem për ta.
Sipas një banori të moshuar, së fundmi është asfaltuar vetëm një pjesë e rrugës, ndërsa rreth 300 metra të tjerë kanë mbetur të pashtruar. Kjo situatë, sipas tij, u krijon vështirësi të përditshme banorëve, të cilët prej dekadash presin përmirësimin e infrastrukturës.
Banori kërkon të dijë se kur do të ndërhyhet për përfundimin e plotë të asfaltimit, duke shprehur pakënaqësinë për faktin se, pavarësisht premtimeve gjatë fushatave elektorale, problematika e tyre vijon të mbetet e pazgjidhur.
