Eurodeputeti bullgar Andrey Andreev Kovachev nga Korça, aty ku ka takuar një përfaqësi të komunitetit bullgar të juglindjes ka folur edhe për situatën aktuale në Shqipëri, protestat dhe progresin drejt Bashkimit Europian
Eurodeputeti – Jemi të lumtur që jemi në Shqipëri, bashkë me deputetë nga parlamenti bullgar. Javën tjetër në Strasburg do të flasim për raportin e progresit të Shqipërisë, jemi të lumtur për progresin e vendit tuaj dhe që partitë politike janë dakortesuar shpesh për rrugën drejt BE. Ne mbështesim anëtarësimin e Shqipërisë, besojmë se se shpejti parlamenti europian do të ketë Shqipërinë e Malin e Zi.
Pyetje – Ka protesta në Shqipëri. Mund të ndikojnë ato në progresin e Shqipërisë në BE?
Eurodeputeti – Ne po shohim gjithçka ndodh në Shqipëri, kjo varet nga jeta politike në Shqipëri. Duhet zgjidhur. Duhet të ndjekin standardet ekologjike, standartet e investimeve, nuk do ndërhyjmë por do të ketë një tekst dhe paragraf në raportin e BE edhe për natyrën dhe mjedisin në Shqipëri.
Pyetje – Ju jeni nga Bullgaria, i njihni mirë protestat.
Eurodeputeti – Është mirë kur njerëzit protestojnë. Është mirë të dëgjohet zëri i qytetarëve. Kjo është shpresa jonë dhe sugjerimi ynë për partitë politike në Shqipëri. Të dëgjojnë të gjithë. Të merret me e mira për qytetarët shqiptarë dhe të jenë bashkë me ne në familjen e BE.
Pyetje – Çfarë duhet të bëjë qeveria jonë?
Eurodeputeti – Të dëgjojë njerëzit. Të ndjekë ligjet e BE për standartet dhe mjedisin. Nuk ndërhyjme në jetën politike të brendshme.
